Ksan its imeksawen, imih tachk-asen yat taghat g ogholid ort zrin, safi tqqim dinnagh allig tghliy tafuyt han ochen ig d idda zars, iddo d ar tama n yan omda dda illan ddaw ugholid ddagh g tella taghat, yannay-tt g waman s osid n wayyur ar diksen isxobbo, ar t id tseksiw tenna-yas : « àli mayd ak yuchkan ? » inna-yas : « awddi a taghat tsbihat ayd nn yaghen amda ar tent ttinigegh ! iwa orgod hat nga lehéna … » tenna-yas taghat : « or nnigh an-nn orgogh ! » inna-yas : « qad d torgot negh zzwagh yat tité smlillegh yat aligh nn zarm. ».
Imih ar tseksiw taghat n iziwigen iwrinnas testéiffey, inna-yas wuchen (àli) : « mayt tannayt a taghat ? » tenna-yas : « or isseràib xs itsen woskayn d iyddan kkand azya ! ors mayd d 3ayn ? » inna-yas : « iwa llahnnikm a taghat, ha lahénaddegh ka izrat ka or tizri. » safi tagh taghat lhil allig d targo s amazir tafd hat rhéln….
Tassi d allig torw imzzan nnes g omlghuz n izerg ( baàddi, bakzizi, berdmmoch qlallouch), da sen-tadder teddu s lexla ar d tetch awrey ; ddagh g di taghol ara sen-teqra iychirran nnes ; « a baàddi, bakzizi, berdmmoch qlalouch ! aghat han aghgho indan d wadda or indin d ikkan ger yiskawen n leqbelt d win udrar ! » Iwa ddond ar tit-tedén ogholn gen, imkinnagh ar yan was isellayasen yizem (àammi benhir) safi iddo d awd netta ad assen-igher : « a baàddi, bakzizi, berdmmouch qlalouch ! » nnan-as d : « dduk a xxoch hat or tgit mmangh ! » …
Asekkans iddo àmmi benhir s ghur iwtfane inna-yassent : « ollah tezloment-i agert ad i-yiksil d win taghat n iziwigen negh swutsegh gg waman swutsegh digun . » safi ar as-zlumen allig as-isdid wawal, iddo d igher-assen : « a baàddi, bakzizi, berdmmoch qlaloch. » ddon d , yagh lhil allig ten ileqqom.
Lligh g di taghol taghat n iziwigen ar tqra allig hat walo. Safi tojd g obrid onna izrin tini-yas : « id key ayd I itchan arraw ino? » tzriy tserdont tseqsat, s alghom, s aghyol, s ochen…imih ha izem tenna-yas: « key a àammi benhir ayd i itchan arraw ino? » inna-yas: «ig ti tennit inigh nekza!! » tenna-yas: « iwa hat qan charra, d hat àallagh aqddar ad I heyya iqrroyn.» inna-yas yizem: «aydda s ikem izwar babinw aynnagh».
Teddo taghat allig d tehyya iqrroyn ghor omzil ar zars t-tqqel gg imi, netta ar itqqed wins agenso ad as zgun…
Iffegh d yizem tassi d taghat agwlim n tissent tenna-yas: « aywak an-ntch tterkoko,d àllagh ddaw n oglim. » safi izwort yizem s dinnagh allig akk itcha tissent ddoun s amda allig t-akk iswa; tini-yas taghat n iziwign : «àllonw izggorn» inna-yas yizem : « aydda s izwar bbanw winm», iwttit yizem rzin-as iqrroyen n walod, tot-t nettat s win wozzal tenber-t fghen d warraw nnes. Tozo-t theyya diks iferdeddisen…
Yan was afen-tt inegmarn nnan-as: « irbbi kagh d ansew! » tagh-tt tassa tagh lhéil allig tossa memmis tenna-yas: « loknna g ak ghrigh, g ak nnigh: awyi d tabttant n yizem axatar, ar i-tt nn tsenàat. » lligh g assen d tiwy aman tenna-yassen: «arraw nnegh bbin-awen idokan! Ad as-ghergh iwrba ad awnd yawy yat tbttanet n yizem. » lligh g as teghra; ar as tt d isnàat ar as-ttini: «awa yoho orid tannagh! Yan chwiy tenna-yasn : «sberat at d awigh ha yarba or issin tadda yas-nnigh achko ggodinet. ».
Tedda taghat n iziwigen s amazigh nnan ger-assen : «akken izmawen terraten dachen nekkni, iwa rolatagh mk tram an-nenjem!!! » assin d allig bnan kan tmnirine sselssin-assent ihroyen rolen . lligh g nn taghol taghat n iziwigen tagh lhéil allig di tossey aynnagh, safi tzzenz ihéruyen tsegh-issen aghyoul, tagh lhéil allig trhél; tagel assawar d obttan; izwor oghyoul tekk nn daras nettat d warraw ness.
Yannay wochen assawar afella n oghyoul yagh lhéil allig da issini zont-t ingha odar, inna-yas I wghyoul : « aha àmmi oghyoul sahanek is or illi mag nn nigh hat irza woul n tfdent inw?! » inna-yas : «iwa izir ig illa mag nn tnit ghor ossawar nnagh n taghat n iziwigen» inna-yas wochen : « walaynni ixssak at-t tqqent imzyan s leqden mek trit ad nigh! » yagh wochen lhéil allig iny yawgh iwsawar, da d isdar wochen ikfroriyen n tadont yini-yas oghyoul: « mayd ittaren ? » inna-yas wochen : « hat tadont n tfdent inw aynnagh.!! »
Tannay t-id taghat ar as taqra I wghyol: «ah! Boygorran!! Han ochen itcha yak assawar! » ar-as ittini oghyol I wochen: «mayt-t-tenna a àli? » yini-yas wochen: «tenna-yak ader I ygworran thércht han amazir iàreq! » safi ar irgwel oghyol…..
Tohél taghat ar di treggel darrassen, allig ten id tgola, yagh wochen lhil allig iroul inna-yas I wghyol: «ollah ar am-t-skergh amm igorran! Yayel zars oghyol yagh lhil allig as d izérm tagjjimt inna-yas: «iwa ddok hayyi àqqalgh ak» ar tzi taghat xf oghyoul ihérem mayd as-or tenni, indo d inna-yas: «I rebbi a taghat adji ad ghifi or tzit, idd ochen hat qa dam tid awigh! ».
Lligh g zdghen, iddo oghyol ggid s imi n ifri dda g kollo tmoune lohoch yagh lhil allig dis igen. Asekka sbah zik tenker d totolt (merri) taft-id tagh lhil allig taghol tgen; allig d nkern kollo tenna-yassen merri: «mer tzrim sbertigh is agh tgen yat ddabt gg imi n ifri.! ».
Safi suggern d afen-t id nnan is teghzan totelt, nnan gerasen att-id nchekchem, inna-yasen àli ochen: « assat-I agjjim inw s wins awent id jbddegh hat nek ayd itchan assawar ntaghat n iziwigen. « lligh g issen oghyoul is issha wodof yagh lhil allig ishorra irol ijebd ochen…
Iwa ar as teqra totolt: «a ttef s izerkan, s iwrkan afad at-ttenjemt a àli!! » inna-yas d àli « ata! Hat akkofen izerkan, akkofen iwrkan a mm tworga xf lehenin» igolen ghor taghat inna-yas: « hat inn aynnagh sker as aynna trit…» safi tenna-yas taghat I wochen: «id ad ak ghersegh negh dd ak ozogh rzemgh ak» inna-yas : « a wddi ozo-yi terzmt-I ad I wr tgherst. ».
Tazot t tkkes-as abttan terzem-as, yoghol d s ifri; lligh g d igola assin d lohoch ar chenchafen allig as-sma, aqidor I àli: aynnagh ayd izrin ochen allig iga afreqqach imkiddagh….
Srighten g chert dughed g lhna ,rdlent ghifi terga n saksu , ari katent tfikach n tglay
0 commentaires:
Enregistrer un commentaire
tanmirt noun !!! merci a vous !!thank you !!
muchas gracias !!